Basque Literature

Behin batean, aspaldi, fantasma bat ikusi nuen. Bai espektro bat, agerpen bat, espiritu bat; nahi duzun bezala esan; kontua da ikusi egin nuela. Gizakia Ilargira iritsi zen urtean izan zen eta une batzuetan beldurra pasatu banuen ere --beldur handia, egia esan--, istorio hau ez da beldurrezkoa esaten zaien horietakoa.

Ipuin honek Sirenatxoaren istorioa kontatzen du. Sirenatxoa itsas hondoan bizi izan zen beti, baina egun batean, edabe magiko baten laguntzaz, lehorrean ibiltzeko bi hanka izatea lortuko du eta abentura harrigarri batean murgilduko da.

Txanogorritxok basoa zeharkatu behar du gaixorik dagoen amonari bisita egiteko. Amak kontuz ibiltzeko esan dio... Baina nor dabil zuhaitzen atzean ezkutuan?

Hau literaturaren historiako ipuin herrikoi ospetsuenetako bat da. Bertsiorik ezagunena Grimm anaiek idatzitakoa da, nahiz eta beste hainbat ere badiren. Disneyk zinemarako moldaketa egin zuen, arrakasta handiz.

Hiru mosketariak, Alexandre Dumasen eleberri historiko ospetsuenetako bat, 1844an atalka argitaratu zen lehendabiziko aldiz. Istorioa XVII. mende hasierako Frantzian kokatuta dago, eta bertan errealitatea eta fikzioa, hots, benetako gertaerak eta pertsonaia historikoak idazlearen irudimenetik sortutako heroi eta bilauekin nahasten dira. Eleberri bizi honek zenbait gertaera historikoren oinarrian ezinikusiak, maitasuna eta bekaizkeria daudela erakusten du.

Jules Verne idazle frantsesa zientzia fikzioko literaturaren aitzindaritzat jotzen da. Haren eleberrietan garai hartako aurrerapen zientifikoak ageri dira, baita aurreikusitako zenbait asmakuntza ere, adibidez, urpekaria edo espazio-bidaiak. 1872an Munduari itzulia 80 egunean atalka argitaratu zuen, eta egundoko arrakasta lortu zuen. Bertan, tren eta itsasontzi bidezko munduan zeharreko bidaia kontatzen du.

: Liburu honek lau herri-ipuin biltzen ditu: Basajaun eta Mozolo; Tartalo itsua; Sorginak eta bi konkorrak, eta Lamia eta hargina. Belaunaldiz belaunaldi igarotako ahozko istorioak dira, guk hemen idatziz jaso ditugunak. Denek mitologiako izakiak dituzte protagonista, eta kolore bizietako ilustrazio politak.

Ez duzu zertan itxaron lo egiteko eta ametsetan hasteko. Ireki liburu hau eta sartu haurrez, iratxoz, gnomoz, printzez eta txoriz betetako mundu magiko batean.Haiek guztiek istorio eder bat kontatu nahi dizute.

Basajaun oso goiz altxatzen da egunero basoko animaliak esnatzeko asmoz. Jaikitzeko ordua da, basoko lanak egin behar dituzte. Belarra eta egurra bildu, basoa garbitu, errekara ur bila joan....

Zer gertatu zitzaion Barbara Molinari? Bere gorpua ez zen sekula aurkitu, eta errudunen bat atxilotzeko frogarik ere ez zen lortu. Telefono mugikor batera egindako dei batek hankaz gora jarriko ditu pertsona askoren bizitzak: jubilatzeko puntuan dagoen polizia baten bizitza, desagertutako alaba aurkitzeko esperantza galdu duen amaren bizitza, eta lagunik onena traizionatu zuen neskaren bizitza.

: Ipuin honek Morvgliren istorioa kontatzen du. Testuaz gain, irudi koloretsu ederrak ere baditu. Morvgli animalia basatiekin batera hazi den mutikoa da, eta hamaika abentura biziko ditu oihanean.

: Lagundu Mireni eta Xabierri mendian perretxikoak bilatzen. Egun zoragarria pasa haien familiarekin batera. Bildu perretxikorik goxoenak eta, ondoren, lagunartean prestatu eta jan itzazu!

Bi emakume, bi ama gazte: batek (Jade/Alice) bere ume bikiak hil ditu, bere eskuz baineran itota. Bestea, nobelaren narratzailea, bere haurraz erditzerakoan, bat-batean ohartu da ezagutzen duela ama hiltzaile hori, aspaldian haren berri izan ez badu ere; Jade/Alicerekin eta haren ekintzarekin obsesionatuta, gehiago jakitea erabakiko du, hartaz ikertzea eta horri guztiari buruzko eleberri bat idaztea. Sorkuntza esaten diogu artista baten lanaren emaitzari; sorkuntza da halaber haur bat mundura ekartzean ama batek egiten duena.

Goizaldean bi bizitza gurutzatu dira sarean. Bi gazte joko misteriotsu batean: ametsak, ilusioak eta kezkak partekatzen dituzte, baina ez identitateak. Laster emango dute hurrengo pausoa: itsu-itsuko hitzordua. Dena den, ezezagunekin elkartzea arriskutsua da, zeren... denok ezkutatzen baitugu sekreturen bat. Hilotz bat. Mutil gazte baten gorpua. Desitxuratuta dago, eroriko bortitz baten ondorioz. Bizitza gazte bat betiko suntsituta. Galdera asko eragiten dituen heriotza bat. Bi istorio, gau berbera eta susmo ilun bat.